Friday, May 20, 2022
- Advertisement -
HomeCrimeDNX HILIGAYNON | SA SULOD PANIMALAY: Tatay patay sa paglabo sang bata...

DNX HILIGAYNON | SA SULOD PANIMALAY: Tatay patay sa paglabo sang bata samtang bolo sa kamot sang asawa nagtiwas sa kabuhi sang bana

BACOLOD CITY, Negros Occidental, Philippines – Duha ka adlaw, duha ka lugar, duha ang patay.

Tanan sa sulod sang panimalay.

Sa banwa sang Murcia, patay ang isa ka lalaki nga naga-edad 67 anyos sang ini siya ginlabo sang bolo kahapon, Marso 1, 2022 sang iya kaugalingon nga asawa.

Ginpahayag ni Capt. Gerald Muya, ang hepe sang kapulisan sa Murcia nga natabo ang pagpatay sa sulod sang balay sang mag-asawa kag samtang nagalantaw ang duha sa napulo sini ka mga kabataan.

Ginpaathag ni Muya nga ginkastigo sang bana ang isa ka bata sini kabangdanan nga ginkuha sang asawa ang bolo kag ginlabo ang biktima.

Madamo nga mga pilas tuga sang paglabo ang kabangdanan sa kamatayon sang biktima.

Natabo ang pagatay isa ka adlaw kasunod samg pagpatay sang isa ka bata sang iya kaugalingon sa syudad sang Escalante.

Ginpahayag sang kapulusan nga naglalisay samtang nagainum ang mag amay nga nagpadulong sa kinagubot mga takna las 10 sang gab-i sa Brgy. Mabini.

Tuyo kon tani lab-on sang amay ang iya bata apang nakapalagyo ini kag nakakuha espading sa balay sang iya utod nga ila man kaingod.

Lunsay ginahinago sang DNX ang ngalan sang mga nalakip sa duha ka mga hitabo agud mapangainan ang dungog sang ila mga himata.

Julius D. Mariveles
Julius D. Mariveles
An amateur cook who has a mean version of humba, the author has recently tried to make mole negra, the Mexican sauce he learned by watching shows of master chef Rick Bayless. A journalist since 19, he has worked in the newsrooms of radio, local papers, and Manila-based news organizations. A stroke survivor, he now serves as executive editor of DNX.
RELATED ARTICLES

LEAVE A REPLY

Please enter your comment!
Please enter your name here

- Advertisment -

LATEST NEWS

- Advertisement -