Wala pa nakasaylo ang mga vendors sang manokan country sa temporaryo nila nga pwesto sa SM City Bacolod samtang ginapatigayon ang pagpatukod sang bag-o nga Manokan Country.
Ginpahayag sa DNX ni Bacolod City Legal Officer Atty. Romeo Carlos Ting, Jr. nga ginahulat pa nga mag-abot ang ini nga mga exhaust fan nga igahatag dapat sang SM.
Ginpaathag ni Ting nga 24 tanan nga mga stalls ang ginpatukod sa temporaryo nga pwestuhan sang mga manokan vendors. Gunalantaw nga sa ika-duha nga semana sang Septyembre makasaylo na ini sila tanan.
Gindugang man ni Ting nga may mga tenants pa nga wala makabayad sang ila mga kautangan kag ini ang ila na ginaistoryahan.
Magalawig sa 18 ka bulan ang construction sang bag o nga Manokan Country kag ginalauman nga magbukas ini sa tuig 2026.
