Ginmando na ni Sec. Arthur Tugade sang Department of Transportation kay Regional Dir. Eric Tabaldo sang Land Transportation Office nga gilayon nga hatagan sang nagakaigo nga lihok ang problema angut sa kakulang sang pampubliko nga transportasyon tuga sang pagpaidalum sang Bacolod sa Modified Enhanced Community Quarantine.
Ini kasunod sa pagpadangat ni Gasataya sini nga problema kay Tugade tuga man sang mga reklamo sang mga pumuluyo sa dakbanwa nga wala ang mga ini sang masakyan padulong sa ila mga ulubrahan.
Sa idalum sang MECQ, suspendido ang pampubliko nga transportasyon sa tuyo nga mahagan hagan ang paglapnag sang COVID19 nga balatian.
Gindugang sa press release gikan sa talatapan ni Gasataya nga ginpasalig ni Tabaldo nga nakig-angut na ang iya talatapan sa Land Transportation Franchising and Regulatory Board agud masabat ang mga reklamo sang Bacolodnon.
